DAAWO+SAWIRO:-Xafladii Sanad Guurada Khaatumo Oo Siwayn Looga Xusay Dalka Holland oo ku beegnayd 12/1/2013
Waxaa xalay Lagu qabtay xaflad ballaadhan oo loogu dabaaldegayey sanadguurada koowaaad.. ee kasoo wareegtay aasaaskii maamul goboleedka Khaatumo State of Somalia.oo kubeegnayd 12/1/2012
Xafladan oo ahayd mid si heer sare ah losoo agaasimay ayaa waxaa kasoo qayb galay qaybaha kala duwan ee jaaliyaddaha soomaalida ku nool wadankan holland.
Waxaa kaloo kasoo qaybgalay dhamaan jaaliyadaha khaatumo ee ku nool wadamada Beijemka iyo Nederland,
Xafladanayaa ugu horayn waxaa lagu furay Aaayadaha qur aanka kariimka ah, intaas kadaib ayaa waxaa qudbado kasoo jeediyey lagaga waramayo maamul goboleedka khaatumo iyo waxa hadafkiisu yahayba qaar kamida gudida iyo odayaasha reer khaatumo ee xafladaas joogay, waxaa iyana ka hadlay wakiilo ka socdaymaamul goboleedyada kajira wadanka somalia sida ,Galmudug state , awdal state iyo wax garad kale oo ku hadlayey afka deegaamada ay ka soo jeedaan kuwaas oo dhamaantood si buuxda u taageeray islama markaana sheegay in ay hiil iyo hooba la garab taaganyihiin maamul goboleedka khaatumo State Of Somali.
Sidoo kale waxaa xaflada heeso wadani iyo khaatumo lagu amaanayo ka qaaday fanaaniin aad u badnaa oo ay ka mid ahaayeen Jaylaani Shariif,Maxamed Deeq,Matoote,Sidiiq Iidle iyo Ubax Nacfi .
faanaaniintan ayaa waxay caawa siweyn u ruxeen madashii loogu dabaal degayey sanad guuradii koowaad ee maamul goboleedka khaatumo iyagoo si aada uraali gelyey dhamaan dadkii kasoo qayb galay xafladaan
ugu danbayntii ayaa waxaa lagu soo gunaanaday xafladaan ciyaaraha hidaha iyo daqanka ah ee ay caanka ku yihiin reer khaatumo kuwaas oo ay ka mid ahaayeen Ciyaarta looyaqaano Jaandheerta iyo dhaantada.
Abdirashiid galbeedi
Nederland
Nederland
.
